Shkolla

Pak histori....

Shkolla e parë shqipe e çelur zyrtarisht, më 2 gusht 1908, sot shkolla “Naim Frashëri”, përfaqëson për Elbasanin, vazhdimin e një tradite të gjatë, si dhe përpjekjet e sakrificat e popullit atdhetar dhe arsimdashës elbasanas.

Veprimtarinë e saj shkolla e nisi me 4 mësues dhe 50 nxënës, numër i cili erdhi duke u shtuar dhe duke e kthyer shkollën nënjë vatër të rëndësishme që grumbulloi rreth vetes atdhetarë të zjarrtë, të cilët kanë dhënë një ndihmesë të çmuar në lëvizjen e popullit tonë për liri, pavarësi, arsim e kulturë kombëtare.

Shkolla u çel nga Fejzullah Guranjaku, në një godinë të vogël e të vjetër, ngjitur me shtëpinë e Sejdinit, ku qëndroi fare pak kohë dhe kaloi në shtëpinë e Sejdinit. Në këtë shtëpi qëndroi afro një vit. 

Kjo godinë tashmë ka hyrë në historikun e arsimit të Elbasanit, si godina ku u çel shkolla e parë shqipe.

Mësuesit që kanë punuar vitet e para që nga çelja e saj kanë qenë:

Fejzullah Guranjaku             1908

Hysen Ceka                        1908

Myrteza Karadaku              1908

Haxhi Myslymi                    1908

Simon Shuteriqi                   1909

Petër Dodbiba                    1909

Jovan Dimitrsku                  1912

Ahmet Gashi                       1912

Mustafa Curri                      1912

Ibrahim Shehguma               1913

Ibrahim Shingjergji               1913

Ibrahim Tajari                      1913

Filip Leci                             1913

Pertef Pogoni                      1915

Më pas shkolla kaloi në shtëpinë e Hashim Hakanit, në lagjen “Bobolle” dhe pastaj në një godinë të vogël pranë xhamisë “Sulejmanie”, derisa në vitin 1910 u vendos për 57 vjet rresht, në godinën pranë murit të kalasë.

 Në vitin 1967 ajo kaloi në godinën ku sot është shkolla 9-vjeçare “Naim Frashëri”.